Koo ba koo phail gai baat shanaasaai ke
Uss ne khusboo kee tarha meri pazeeraai kee
Kaisay kehdoon ke mujhe chor diya hai uss ne
baat to sach hai magar baat hai ruswaai kee
Woh kaheen bhi gaya lota to mere paas aaya
buss yahi baat hai achi mere harjaai kee
tera pehloo tere dil kee tarha aabaad rahay
tujh pe guzray na qayamat shab e tanhaai kee
Abhi barsaat kee raaton main badan toota hai
jaag uthti hain ajaab khwahishain ungraai kee
Uss ne julti hoi peshaani pe jub haath rakha
rooh tak aa gai taaseer maseehaai kee
(Parveen Shakir)