RSS Feed

Tag Archives: is waqt to youn lagta hai

Is waqt to youn lagta hai ab kuch bhi nahin hai…. (Faiz)

Is waqt to youn lagta hai ab kuch bhi nahin hai
mahtab na suraj na andhera na sawera
ankhon ke dariche main kisi husn ki jhalkan
aur dil ki panahon main kisi dard ka dera
mumkin hai koi wehem ho mumkin hai suna ho
galiyon main kisi chaap ka ek akhiri phera
shaakhon main khayalon ke ghane per ki shayad
ab aakey karega na koi khwaab basera
ik bair na ik mehr na ik rabt na rishta
tera koi apna na paraya koi mera
mana ke ye sun-saan ghari sakht bari hai
lekin mere dil ye to faqat ek ghari hai
himmat karo jeene ko abhi umr pari hai