RSS Feed

Tag Archives: ghazal

Mein to marr kar bhi meri jaan tumhain chahoon ga….

Zindigi mein to sabhi pyaar kiya karte hain
Main to marr kar bhi meri jaan tujhe chahoonga
Tu mila hai to yeh ehsaas hua hai mujhko
Ye meri umr mohabbat ke liye thodi hai
Ik zara saa gham-e dauraan ka bhi haq hai jis par
Mein ne wo saans bhi tere liye rakh chodi hai
Tujh pe ho jaaoonga qurbaan, tujhe chahoonga
Main to marr kar bhi meri jaan tujhe chahoonga
Apne jazbaat mein naghmaat rachaane ke liye
Maine dhadkan ki tarah dil mein basaaya hai tujhe
Main tasawwur bhi judaai ka bhala kaise karoon
Mein ne qimsat ki lakeeron se churaaya hai tujhe
Pyaar ka ban ke nigehbaan tujhe chahoonga
Main to marr kar bhi meri jaan tujhe chahoonga
Teri har chaap se jalte hain khayaalon mein chiragh
Jab bhi tu aaye jagaata hua jaadu aye
Tujhko chhu lun to phir ae jaan-e-tamanna mujhko
Dair tak apne badan se teri khushbu aaye
Tu bahaaron ka hai unwaan tujhe chahoonga
Main to marr kar bhi meri jaan tujhe chahoonga
Poet: Qateel Shifaai
PS: If ever there is love in this world, then this is how it is. 
Below are links of two renditions. One the timeless ghazal by THE Mehdi Hasan Khan Sahab, the other by an able vocalist Shafqat Amanat Ali. Rarely has the world seen such beautiful poetry.
http://www.dailymotion.com/video/x265ebd_zindagi-mein-tou-sabhi-mehdi-hassan_music
http://www.dailymotion.com/video/x1guta8_zindagi-mien-to-sabhi-shafqat-amanat-ali-khan-by-umar-islam_music

Koi Ummeed Bar Naheen Aati….

Koi ummeed bar naheen aati

koi surat nazar naheen aati…..

Maut ka ek din muayyan hai,

neend kyun raat bhar naheen aati…..

Jaanta hoon sawaab e taa’at u zuhd

par tabiyyat udhar naheen jaati…..

Aage aati thee haal e dil pe hansi

abb kisi baat par naheen aati…..

Hai kuch aisi hi baat jo chup hoon

warna kya baat kar naheen aati…..

Daagh-e-dil gar nazar naheen aata

boo bhi aye charagar naheen aati…..

Hum wahaan hain jahan se humko bhi

kuch humari khabar naheen aati…..

Kyun na cheekhoon ke yaad karte hain

meri aawaaz gar naheen aati…..

Marte hain aarzoo mein marne ki

Maut aati hai par naheen aati….

Kaaba kis moun se jaaoge Ghalib

sharm tumko magar naheen aati